Ndërron jetë komediani i famshëm, Bob Newhart

00:00 | 19 Korrik 2024
E.G

Ka vdekur Bob Newhart, komediani dhe aktori amerikan.

I njohur për rolet e tij në filmin e Krishtlindjeve “Elf” dhe serialin amerikan “The Big Bang Theory”, Newhart kishte gjithashtu programin e tij, “The Bob Newhart Show”.

Jerry Digney, publicisti i Newhart, tha se kishte vdekur në moshën 94-vjeçare pas disa problemeve shëndetësore.

Newhart filloi karrierën e tij si një komedian në fund të viteve 1950.

Ai fitoi famë mbarëkombëtare në ShBA dhe fitoi një çmim ‘Grammy’ asokohe.

Me kalimin e viteve, i ndjeri u shfaq edhe në disa filma, zakonisht në role komike.

Ato përfshinin “Catch 22”, “In And Out”, “Legally Blonde 2” dhe “Elf”.

Vazhdoi të shfaqej herë pas here në televizion pasi përfundoi serialin e katërt dhe u zotua në vitin 2003 se do të punonte për aq kohë sa të mundej. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm